ரஷ்யாவில் நடைபெற்ற 18வது கசான் சர்வதேச முஸ்லிம் திரைப்பட விழாவில் வழங்கப்பட்ட "நியூஸ் பேப்பர்" திரைப்படத்திற்காக கிடைத்த விருதுகளுடன் வெகுஜன ஊடக அமைச்சர் பந்துல குணவர்தன நேற்று (15) அதிகாலை கட்டுநாயக்க பண்டாரநாயக்க சர்வதேச விமான நிலையத்தை வந்தடைந்தார்.

இதன் இணை தயாரிப்பு நடவடிக்கைகளுக்கு அமைச்சர் பந்துல குணவர்தன பங்களிப்பு வழங்கியுள்ளதுடன். இந்த விருது வழங்கும் விழாவில் குமார திரிமதுர மற்றும் சரத் கொத்தலாவல சிறந்த நடிகருக்கான இணை விருதை வென்றனர். இந்த படத்தின் இணை இயக்குனர்கள் மற்றும் திரைக்கதை எழுத்தாளர்கள் என இந்த இருவரும் பங்களித்துள்ளனர்.

2022.09.12 அன்று இடம்பெற்ற அமைச்சரவைக் கூட்டத்தில் எட்டப்பட்ட முடிவுகள்

(அரசாங்க தகவல் திணைக்களத்தின் பிரச்சார பிரிவினால் சிங்கள மொழியிலான அமைச்சரவை தீர்மான ஆவணம், தமிழ் மொழியில் மொழி பெயர்க்கப்பட்டுள்ளது.)

01. பொருளாதார மறுமலர்ச்சி மற்றும் மேம்பாடு தொடர்பான அமைச்சரவை உபகுழுவை நிறுவுதல்

சமகால நெருக்கடியான பொருளாதார நிலைமையில் பொருளாதார மறுமலர்ச்சி மற்றும் மேம்பாட்டுக்காக அதிக முன்னுரிமை வழங்கி மேற்கொள்ள வேண்டிய படிமுறைகள் தொடர்பாக துரிதமான தீர்மானங்கள் மேற்கொள்ளப்பட வேண்டியுள்ளது. அதற்கமைய, தேசிய பொருளாதார முகாமைத்துவப் பணிகளுக்குத் தேவையான மூலோபாய ரீதியான வழிகாட்டல்களை வழங்குவதற்காக பொருளாதார மறுமலர்ச்சி மற்றும் மேம்பாடு தொடர்பான அமைச்சரவை உபகுழுவை நிறுவுது பொருத்தமானதென அடையாளங் காணப்பட்டுள்ளது. குறித்த குழுவானது, கௌரவ ஜனாதிபதி அவர்களின் தலைமையிலும் மற்றும் கௌரவ பிரதமர் உள்ளிட்ட 05 அமைச்சரவை அமைச்சர்களை நியமிப்பதற்காக கௌரவ ஜனாதிபதி அவர்கள் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.

02. தேசிய இலக்கியக் கலைப் பெருவிழா நடாத்துதல்

இலக்கியம், கலை, அழகியல் மற்றும் அதனுடன் தொடர்புடைய துறைகளை N;மம்படுத்துவதற்காக அரச இலக்கிய விருது விழா, தேசிய இலக்கிய விழா மற்றும் தேசிய இலக்கிய பெருவிழா வருடாந்தம் நடாத்தப்பட்டு வருகின்றது. தற்போது நாட்டில் நிலவுகின்ற பொருளாதார நெருக்கடிகளால் குறித்த விழாக்களை இவ்வாண்டில் நடாத்துவது உகந்ததாக அமையாததால், அதற்குப் பதிலாக, குறித்த இலக்கிய விழாவின் அனைத்து தனித்துவமான பண்புகளை உள்ளடக்கிய வகையில் 'தேசிய இலக்கிய கலைப் பெருவிழா' நடாத்துவதற்குத் திட்டமிடப்பட்டுள்ளது. அதற்கமைய, 2022 ஒக்ரோபர் மாதம் 27 ஆம் திகதி தொடக்கம் 30 ஆம் திகதி வரை பண்டாரநாயக்க சர்வதேச ஞாபகார்த்த மண்டப வளாகத்தில் அரச துறை மற்றும் தனியார் துறை நிறுவனங்களுடன் இணைந்து இவ்விழாவை நடாத்துவதற்காக புத்தசாசன, மத மற்றும் கலாச்சார விவகாரங்கள் அமைச்சரால் சமர்ப்பிக்கப்பட்ட யோசனைக்கு அமைச்சரவை உடன்பாடு தெரிவித்துள்ளது.   

03. இலங்கை காலநிலை மாற்றங்கள் தொடர்பான மூன்றாவது தேசிய தொடர்பாடல்கள் அறிக்கை ஐக்கிய நாடுகள் சபையின் காலநிலை மாற்றங்கள் தொடர்பான வேலைச்சட்டக சமவாயத்திற்குச் சமர்ப்பித்தல்    

ஐக்கிய நாடுகள் சபையின் காலநிலை மாற்றங்கள் தொடர்பான வேலைச்சட்டக சமவாயத்தின் பங்காள அரசாக இலங்கை சமகால காலநிலை மாற்றங்கள் தொடர்பான தகவல்கள் அடங்கிய அறிக்கை சமர்ப்பிக்கப்பட வேண்டியுள்ளது. அதற்கமைய, 2000 மற்றும் 2012 ஆம் ஆண்டுகளில் முதலாவது மற்றும் இரண்டாவது தொடர்பாடல் அறிக்கையில் காலநிலை, பொருளாதார மற்றும் சமூகச் சூழல், தேசிய பச்சைவீட்டு விளைவு வாயுக்கள் வெளியேற்றம், குறைப்பு மற்றும் கடந்தகால போக்குகள் பற்றிய தகவல் பட்டியல், பச்சைவீட்டு விளைவு வாயுக்கள் வெளியேற்றத்தைக் குறைக்கின்ற செயற்பாடுகள், காலநிலை மாற்றங்கள் தொடர்பான இடர்கள் மற்றும் அவற்றுக்கு இசைவாக்க நடவடிக்கைகள், கல்வி, பயிற்சி மற்றும் இயலளவு விருத்தி, தொழிநுட்ப பரிமாற்றங்கள், ஆய்வுகள் மற்றும் முறைசார்ந்த கண்காணிப்புக்கள் போன்றன உள்ளடக்கப்படல் வேண்டும்.

அதற்கமைய, காலநிலை மாற்றங்கள் தொடர்பாக நிபுணர் குழு மற்றும் நிறுவனங்களுக்கிடையிலான ஒருங்கிணைப்புக் குழுக்களின் கருத்துக்களையும் யோசனைகளையும் பெற்றுக் கொண்டு சுற்றாடல் அமைச்சால் இலங்கையில் காலநிலை மாற்றங்கள் தொடர்பான மூன்றாவது தேசிய தொடர்பாடல்கள் அறிக்கை – 2018-2021 தயாரிக்கப்பட்டுள்ளது. குறித்த அறிக்கை ஐக்கிய நாடுகள் சபையின் காலநிலை மாற்றங்கள் தொடர்பான வேலைச்சட்டக சமவாயத்திற்குச் சமர்ப்பிப்பதற்காக சுற்றாடல் அமைச்சர் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது. 

04. சுகாதார அமைச்சுக்கு அத்தியாவசிய மருந்துகள் மற்றும் மருத்துவ  உபகரணங்களை கொள்வனவு செய்வதற்கான நிதியிடல்

நாடு எதிர்கொண்டுள்ள வெளிநாட்டு செலாவணி நெருக்கடியைக் கருத்தில் கொண்டு அத்தியாவசிய மருந்துகள் மற்றும் மருத்துவ உபகரணங்களை இறக்குமதி செய்வதற்காக ஆசிய உட்கட்டமைப்பு முதலீட்டு வங்கி நிதியத்தின் கீழ் நடைமுறைப்படுத்தப்பட்டு வரும் கொழும்பு நகர மறுமலர்ச்சி கருத்திட்டத்திற்கு ஒத்துழைக்கின்ற கருத்திட்டம் மற்றும் இடர்களைக் குறைக்கின்ற படிமுறைகள் மூலம் மண்சரிவு இடர்களைக் குறைக்கின்ற கருத்திட்டம் போன்ற கருத்திட்டங்களின் விடயதானங்களைத் திருத்தம் செய்து 100 மில்லியன் அமெரிக்க டொலர்களைத் துரிதமாக வழங்குவதற்கு அவ்வங்கி உடன்பாடு தெரிவித்துள்ளது. அதற்கமைய, கொழும்பு நகர மறுமலர்ச்சி கருத்திட்டத்திற்கு ஒத்துழைக்கின்ற கருத்திட்டத்தின் மூலம் 70 மில்லியன் அமெரிக்க டொலர்கள் மற்றும் இடர்களைக் குறைக்கின்ற படிமுறைகள் மூலம் மண்சரிவு இடர்களைக் குறைக்கின்ற கருத்திட்டத்தின் மூலம் 30 மில்லியன் அமெரிக்க டொலர் நிதியை அத்தியாவசிய மருந்துகள் மற்றும் மருத்துவ  உபகரணங்களைக் கொள்வனவுக்குப் பயன்படுத்துவதற்காக நிதி, பொருளாதார உறுதிப்பாடு மற்றும் தேசிய கொள்கைகள் அமைச்சராக கௌரவ ஜனாதிபதி அவர்களால் சமர்ப்பிக்கப்பட்டுள்ள யோசனைக்கு அமைச்சரவை அங்கீகாரம் வழங்கியுள்ளது. 

05. 1969 ஆம் ஆண்டின் 01 ஆம் இலக்க இறக்குமதி மற்றும் ஏற்றுமதி (கட்டுப்பாட்டு) சட்டத்தின் கீழ் வெளியிடப்பட்டுள்ள ஒழுங்குவிதிகளை பாராளுமன்ற அங்கீகாரத்திற்காக சமர்;ப்பித்தல்

1969 ஆம் ஆண்டின் 01 ஆம் இலக்க இறக்குமதி மற்றும் ஏற்றுமதி (கட்டுப்பாட்டு) சட்டத்தின் கீழ் வெளியிடப்பட்டுள்ள கீழ்க்காணும் ஒழுங்குவிதிகளை பாராளுமன்றத்தில் சமர்ப்பிப்பதற்காக நிதி, பொருளாதார உறுதிப்பாட்டு மற்றும் தேசிய கொள்கைகள் அமைச்சராக கௌரவ ஜனாதிபதி அவர்களால் சமர்ப்பிக்கப்பட்டுள்ள யோசனைக்கு அமைச்சரவை அங்கீகாரம் வழங்கியுள்ளது :

• அரச துறையின் இறக்குமதிகள் மற்றும் தெரிவு செய்யப்பட்ட துறைகளில் நடவடிக்கை ஒத்துழைப்புக்களை உறுதிப்படுத்துவதற்காக ஒருசில தொழிற்றுறைகளுக்குத் தேவையான மூலப்பொருட்கள், உபகரணங்கள் மற்றும் பயன்பாட்டு வாகனங்களை இறக்குமதி செய்வதற்கு இயலுமாகும் வகையில் 2022.08.23 ஆம் திகதிய வர்த்தமானி அறிவித்தல் மூலம் விதிக்கப்பட்டுள்ள 2022 ஆம் ஆண்டின் 12 ஆம் இலக்க இறக்குமதி மற்றும் ஏற்றுமதி (கட்டுப்பாட்டு) ஒழுங்குவிதிகள்

• நிலவுகின்ற மட்டுப்படுத்தப்பட்ட வெளிநாட்டு அந்நியச் செலாவணிப் பணத்திரவத்தன்மையை முகாமைத்துவம் செய்வதற்காக இலங்கை மத்திய வங்கி பரிந்துரைகளின் பிரகாரம் தெரிவு செய்யப்பட்டுள்ள பொருட்கள் பலவற்றை இறக்குமதி செய்வதை தற்காலிகமாக இடைநிறுத்துவதற்கு 2022.08.23 திகதிய வர்த்தமானி அறிவித்தல் மூலம் விதிக்கப்பட்டுள்ள 2022 ஆம் ஆண்டின் 13 ஆம் இலக்க இறக்குமதி மற்றும் ஏற்றுமதி (கட்டுப்பாட்டு) ஒழுங்குவிதிகள்.

06. அரச சேவையில் ஆட்சேர்ப்பு செயன்முறையை மீளாய்வு செய்தல்

தற்போது காணப்படுகின்ற பொருளாதார நிலைமையின் கீழ் அரச சேவைக்கான ஆட்சேர்ப்பு தற்காலிகமாக இடைநிறுத்துவதற்கு அரசாங்கம் தீர்மானித்துள்ளமையால் சேவை யாப்பு மற்றும் ஆட்சேர்ப்பு நடவடிக்கைமுறை ஏற்பாடுகளின் பிரகாரம் அங்கீகரிக்கப்பட்ட பதவிகளுக்கான வெற்றிடங்களை நிரப்புவதற்காக ஆரம்பிக்கப்பட்டுள்ள நடவடிக்கைகளை நிறுத்துவதற்கு நேரிட்டுள்ளது. அங்கீகரிக்கப்பட்ட ஆட்சேர்ப்பு நடவடிக்கை முறைகளைக் கையாண்டும், அத்துடன் கடந்தகால அரசாங்கங்களால் எடுக்கப்பட்ட கொள்கைத் தீர்மானத்தின் பிரகாரமும் அடிக்கடி பட்டதாரிகள் மற்றும் ஏனைய ஊழியர்கள் நேரடியாக அரச சேவையில் ஆட்சேர்ப்புச் செய்யப்பட்டமையால், ஒட்டுமொத்தமாக அரச சேவை மிகையாக காணப்பட்டாலும் சேவைப் பிரிவுகளில் வெற்றிடங்கள் காணப்படுவதாக பதிவாகியுள்ளது.

அதேபோல், ஆட்சேர்ப்பின் போது பல்வேறு முறைகளைக் கடைப்பிடிக்கின்றமையால் ஏற்பட்;டுள்ள விளைவாக அரச சேவையில் மேலெழுந்துள்ள பிரச்சினைகள் தொடர்பாக பொருத்தமான படிமுறைகளை மேற்கொள்ளப்பட வேண்டியுள்ளது. அதற்கமைய, மேற்குறிப்பிட்ட விடயங்களை மீளாய்வு செய்து, அரச சேவையை மிகவும் வினைத்திறனாகவும், பயன்வாய்ந்ததாகவும் மேற்கொண்டு செல்வதற்காக மேற்கொள்ள வேண்டிய அத்தியாவசிய ஆட்சேர்ப்புக்கள் தொடர்பாக முன்னுரிமைகளை அடையாளங்கண்டு அவற்றுக்கான கால அட்டவணையை அறிமுகப்படுத்தவும், தற்போது அரச சேவையில் மேலெழுந்துள்ள பிரச்சினைகளுக்குப் பொருத்தமான பரிந்துரைகளைச் சமர்ப்பிப்பதற்கு, பிரதமரின் செயலாளர் தலைமையில் உத்தியோகத்தர் குழுவொன்றை நியமிப்பதற்காக பொது நிருவாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சராக கௌரவ பிரதமர் அவர்கள் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.

ஊடகத்துறை இராஜாங்க அமைச்சர் சாந்த பண்டார இன்று தபால் அமைச்சிலுள்ள தமது அலுவலகத்தில் கடமையை பொறுப்பேற்றுக் கொண்டார். அமைச்சர் நிமல் சிறிபால டி சில்வா, ஊடகத்துறை அமைச்சின் செயலாளரும் லேக்ஹவுஸ் நிறுவனத்தின் தலைவருமான அனுஷ பெல்பிட்ட உள்ளிட்ட முக்கியஸ்தர்களையும் படத்தில் காணலாம்.

156ஆவது பொலிஸ் தினத்தை முன்னிட்டு ஜனாதிபதி ரணில் விக்ரமசிங்க தலைமையில் நேற்றையதினம் (03) பிற்பகல் விசேட நிகழ்வு பொலிஸ் மேலதிக படைத் தலைமையகத்தில் நடைபெற்றது.
பிரதம அதிதியாக பொலிஸ் மேலதிக படைத் தலைமையகத்திற்கு வருகை தந்திருந்த ஜனாதிபதிக்கு, பொலிஸ் அணிவகுப்பு மரியாதையுடன் வரவேற்பு அளிக்கப்பட்டது.
இந்நிகழ்வில், கடமையின்போது உயிரிழந்த பொலிஸ் உத்தியோகத்தரான ஜயந்த குணவர்தன சார்பில் 'ஜனாதிபதி பொலிஸ் வீர பதக்கம்" வழங்கி கௌரவிக்கப்பட்டது. அத்துடன், பாராளுமன்றத்தை பாதுகாக்கும் பணியில் ஈடுபட்டிருந்த 30 பொலிஸ் உத்தியோகத்தர்களுக்கு சான்றிதழ் வழங்கி கௌரவிக்கும் நிகழ்வும் ஜனாதிபதி தலைமையில் நடைபெற்றது.
பொலிஸ் மற்றும் சுயாதீன நீதிமன்றம் இன்றி சட்டத்தின் ஆட்சியைப் பாதுகாக்க முடியாது. இந்த இரண்டு நிறுவனங்களைப் பாதுகாப்பதன் மூலம் மட்டுமே தொடர்ந்தும் முன்நோக்கிப் பயணிக்க முடியும் என்று ஜனாதிபதி ரணில் விக்ரமசிங்க தெரிவித்தார்.
இந்நிகழ்வில் உரையாற்றிய ஜனாதிபதி மேலும் தெரிவிக்கையில், ஒரு நாட்டின் ஜனநாயகத்தைப் பாதுகாக்க வேண்டுமாயின் அரசியலமைப்பு பாதுகாக்கப்பட வேண்டும். அன்றையதினம் ஆர்ப்பாட்டக்காரர்கள் பாராளுமன்றத்தை ஆக்கிரமித்திருந்தால் நாட்டில் ஜனநாயகம் முடிவுக்கு வந்திருக்கும் என்பதுடன் சட்டத்தின் ஆட்சியும் மீறப்பட்டிருக்கும் என ஜனாதிபதி தெரிவித்தார்.
குறித்த சந்தர்ப்பத்தில் பொலிசார் சட்டத்தின் ஆட்சியையும் அரசியலமைப்பையும் பாதுகாத்ததை சுட்டிக்காட்டிய ஜனாதிபதி ரணில் விக்ரமசிங்க, முழு பொலிஸ் திணைக்களத்திற்கும் மரியாதை செலுத்துவதற்கு இந்த சந்தர்ப்பத்தை பயன்படுத்துவதாகவும் தெரிவித்தார்.
நிகழ்வில் பொலிஸ் வெகுமதி நிதியத்திலிருந்து, விரைவில் ஸ்தாபிக்கப்படவுள்ள சட்ட நிவாரண நிதியத்துக்கு மாற்றீடு செய்யப்படவுள்ள 100 மில்லியன் ரூபாவிற்கான காசோலையை பொலிஸ்மா அதிபர் சி.டி. விக்ரமரத்ன ஜனாதிபதியிடம் கையளித்தார்.
இந்நிகழ்வில் பொலிஸ் உத்தியோகத்தர்களின் மேற்கத்தேய இசைக்குழு நிகழ்ச்சி மற்றும் பொலிஸ் நாய் கண்காட்சி ஆகியவை இடம்பெற்றன.

இலங்கையில் முதல் அஞ்சல் அட்டை வெளியிடப்பட்டு 150 ஆண்டுகள் நிறைவடைந்ததை முன்னிட்டு, தபால் திணைக்களத்தின் முத்திரைப் பணியகம்  2022 செப்டெம்பர் 01அன்று இலங்கை பாராளுமன்றத்தில் நினைவு அஞ்சல் அட்டையை வெளியிட ஏற்பாடு செய்துள்ளது.

1872 ஆம் ஆண்டு வெளியிடப்பட்ட இலங்கையின் முதலாவது தபால் அட்டையின் 150 ஆவது ஆண்டு நிறைவை நினைவுகூரும் வகையில் 1872 ஆம் ஆண்டு வெளியிடப்பட்ட தபால் அட்டையின் புகைப்படத்துடன் கூடிய இந்தப் புதிய அஞ்சல் அட்டையை வெளியிடப்படவுள்ளது.

1872 ஆம் ஆண்டில், இந்த அஞ்சல் அட்டை 02 rjk; ngWkjpAld; விக்டோரியா மகாராணியின் மேல் உடலை சித்தரிக்கும் முத்திரை தலையுடன் வெளியிடப்பட்டது மற்றும் 20 ரூபாய் முகமதிப்புடன் புதிய அஞ்சல் அட்டை வெளியிடப்படவுள்ளது.

உள்நாட்டு மற்றும் வெளிநாட்டு முத்திரை சேகரிப்பாளர்களுக்காக இந்த நினைவு அஞ்சல் அட்டையுடன் கூடிய சிறப்புப் பொதியை (கோப்புறை) குறைந்த எண்ணிக்கையிலான பிரதிகளில் வெளியிடவும் தபால் திணைக்களம் ஏற்பாடு செய்துள்ளது.

அரசியல் நோக்கங்களை புறந்தள்ளிவிட்டு தேசிய இலக்குகளுக்காக மீண்டும் தேசத்தை கட்டியெழுப்ப அனைவரும் ஒன்றிணைய வேண்டும் என ஜனாதிபதி ரணில் விக்கிரமசிங்க வேண்டுகோள் விடுத்துள்ளார்.

அப்போதே தாயகத்தை மேம்படுத்த முடியும் எனவும் அவர் குறிப்பிட்டுள்ளார்.

உலகத்துடன் போட்டியிட்டு முன்னேறக்கூடிய ஒரு தேசத்தை உருவாக்குவதற்கான வாய்ப்பையும் உருவாக்க வேண்டும்.

இல்லையென்றால் நாட்டை உலகிலிருந்து தனிமைப்படுத்த வேண்டியிருக்கும் என ஜனாதிபதி இன்று பாராளுமன்றத்தில் தெரிவித்தார்.

இடைக்கால வரவு செலவுத்திட்டத்தை சமர்ப்பித்து உரையாற்றும் போதே ஜனாதிபதி இதனைக் குறிப்பிட்டார்.

இந்த இக்கட்டான தருணத்தில் அனைத்துக் கட்சிகளையும் கொண்ட அரசாங்கத்தில் இணையுமாறு ஜனாதிபதி அழைப்பு விடுத்துள்ளார்.

தேசத்தின் தேவைகளுக்கு முன்னுரிமை அளிப்பது அனைவரினதும் பொறுப்பு என அவர் சுட்டிக்காட்டியுள்ளார்.

இந்த இடைக்கால வரவுசெலவுத் திட்டம் இதுவரையில் நாட்டில் நிலவும் பொருளாதார முறையை மாற்றுவதற்கான அடித்தளத்தை அமைக்கிறது.

உலகிற்கு ஏற்ற தேசிய பொருளாதாரக் கொள்கையை அமைப்பதற்கான அடிப்படையும் இதுவே.

அதன்படி, 25 ஆண்டுகளுக்கு தேசிய பொருளாதாரக் கொள்கை தயாரிக்கப்பட வேண்டும்.

அதனடிப்படையில் புதிய பொருளாதாரத்தை கட்டியெழுப்பும் நடவடிக்கையை அடுத்த வருடத்திற்கான வரவு செலவுத் திட்ட ஆவணம் கொண்டிருக்கும்.

புதிய பொருளாதாரத்தை கட்டியெழுப்புவதற்கான விரிவான கொள்கை அடுத்த வருட வரவு செலவுத் திட்ட ஆவணத்தில் முன்வைக்கப்படும் எனவும் ஜனாதிபதி சுட்டிக்காட்டினார்

இலங்கையில் 100வது சுதந்திர தினம் கொண்டாடப்படும் போது இலங்கை அபிவிருத்தி அடைந்த நாடாக மாறும் என எதிர்பார்க்கப்படுகிறது. சர்வதேச நாணய நிதியத்துடனான கலந்துரையாடல் வெற்றியடைந்துள்ளதாகவும், அவை இறுதிக்கட்டத்தை நெருங்கியிருப்பதாகவும் ஜனாதிபதி ரணில் விக்கிரமசிங்க சுட்டிக்காட்டினார்.

இடைக்கால வரவு செலவுத்திட்டத்தில் புதிய முன் மொழிவுகளை ஜனாதிபதி பாராளுமன்றத்தில் சமர்ப்பித்தார்.

2021இல் மொத்த உள்நாட்டு உற்பத்தியில் 8.2% ஆக உள்ள அரசாங்க வருமானத்தை 2025க்குள் 15%ஆக உயர்த்த எதிர்பார்க்கப்படுகிறது.

25 ஆண்டுக்கான தேசிய பொருளாதாரக் கொள்கை உருவாக்கப்படும்.

அக்டோபர் முதலாம் திகதி முதல் பெருமதி சேர்க்கப்ட்ட வரி 12 சதவீதத்தில் இருந்து 15 சதவீதமாக அதிகரிக்கப்படும்.

கடந்த காலத்தில் அறிமுகப்படுத்தப்பட்ட பல வரித் திட்டங்கள் அக்டோபர் முதல் அமல்படுத்தப்படும்.

18 வயதுக்கு மேற்பட்ட அனைத்து நபர்களும் உள்நாட்டு இறைவரித் திணைக்களத்தில் பதிவு செய்யப்பட வேண்டும்.

அரசு மற்றும் அரசு சார்பு ஊழியர்களின் ஓய்வு வயது 60ஆக குறைக்கப்படும். தற்போது பணியில் உள்ள 60 வயதுக்கு மேற்பட்ட அரசு ஊழியர்கள் டிசம்பர் 31ஆம் திகதி ஓய்வு பெற வேண்டும்.

இலத்திரனியல் மின்சார வாகனங்கள் மட்டுமே இறக்குமதி செய்யப்படும்.

வருமானத்தை அதிகரிப்பதற்கான புதிய திட்டங்கள் 2023 வரவுசெலவுத்திட்டத்தில் முன்வைக்கப்படும்.

அரச வளங்களின் அபிவிருத்திக்காக வெளிநாட்டு முதலீட்டாளர்களை ஈர்க்க நடவடிக்கை எடுக்கப்படும்.

பாதுகாப்பு மூலோபாய விடயங்களில் மறுசீரமைப்புக்கு முன்மொழிவு

அரசு நிறுவனங்களில் குவிந்து கிடக்கும் கழிவுப்பொருட்களை அகற்றும் முழு செயல்முறையையும் கண்காணிக்க அரசு அதிகாரிகளைக் கொண்ட குழு நியமிக்கப்படும்

பொருளாதார நெருக்கடியினால் பாதிக்கப்பட்ட மக்களுக்கான நிவாரண மானியம் தொடர்ந்து வழங்கப்படும்

தட்டுப்பாடின்றி எரிவாயு விநியோகம் உறுதிசெய்யப்படும். இதற்காக 25 பில்லியன் ரூபாய் ஒதுக்கப்படும்.

உள்ளூர் பால் உற்பத்தியை அதிகரிக்க நடவடிக்கை

மண்ணெய் நெருக்கடியால் பாதிக்கப்பட்ட கடற்றொழிலாளர்களுக்கு மானியம்.

முதியோர் மற்றும் ஊனமுற்றோருக்கு 5,000 ரூபாய் முதல் 7,500 ரூபாய் வரை உதவித்தொகை வங்கப்படும். பொருளாதார ஸ்திரத்தன்மைக்காக பல திருத்த சட்ட மூலங்கள் எதிர்காலத்தில் பாராளுமன்றத்தில் சமர்ப்பிக்கப்டும்.

விவசாய அபிவிருத்திக்காக புதிய தொழில்நுட்பத்தை பயன்படுத்தவும், இளைஞர்களை விவசாயத்தில் உள்வாங்குவதற்கும் நடவடிக்கை.

வேலையற்று இருக்கும் குழுக்களுக்கு 20 ஏக்கர் நிலம் வழங்க நடவடிக்கை.

கர்ப்பிணி பெண்களுக்காக தற்போது வழங்கப்படும் 20 000 ரூபாய் பெறுமதியான உணவுப் பொருள் பொதிக்கு மேலதிகமாக 2500 ரூபாய் வழங்கப்படும்.

சமுர்த்தி பயனாளிகள் முதியோர் மற்றும் மாற்றுத்திறனாளிகளுக்கான கொடுப்பனவுகள் 5,000 ரூபாவில் இருந்து 7,500 ரூபாவாக அதிகரிக்கப்படும்.

தேசிய கடன் முகாமைத்து நிறுவனம் நிறுவப்படும். தேசிய உணவுப் பாதுகாப்புத் திட்டம் அறிமுகப்படுத்தப்படும்.

வெளிளிநாட்டு பல்கலைக்கழகங்கள் இலங்கையில் கிளைகளை திறப்பதை ஊக்குவிக்கும் வகையில் சட்டங்களில் திருத்தங்கள் மேற்கொள்ளப்படும்.

வழிபாட்டுத் தலங்களுக்குச் செல்வதற்கும் மத விழாக்களில் கலந்துகொள்வதற்குமாக இலங்கைவரும் சுற்றுலாப் பயணிகளின் எண்ணிக்கையை அதிகரிக்க நடவடிக்கை

அரச வங்கிகளின் 20% பங்குகள் அதன் ஊழியர்கள் மற்றும் வைப்பீட்டாளர்களுக்கு வழங்கப்படும்.

மின்சார மோட்டார் சைக்கிளை தயாரிப்பதறகு தேவையான பாகங்கள் மற்றும் உபகரணங்களை இறக்குமதி செய்வதற்கு வரிச்சலுகை வழங்கப்படும்.

வெளிநாடுகளில் வசிக்கும் இலங்கையர்களிடமிருந்து முதலீடுகளை ஈர்ப்பதற்காக புலம்பெயர் அலுவலகம் மற்றும் நிதியம் ஒன்று நிறுவப்பபடும்

ஊழலை ஒழிக்க நவீன தொழில்நுட்பத்தைப் பயன்படுத்தி புதிய சட்டங்கள் மற்றும் பொறிமுறை அறிமுகப்படுத்தப்படும்.

களனி ரயில் பாதையை அபிவிருத்தி செய்வதற்கு முதலீட்டாளர்களிடம் இருந்து பெறுகைகள் கோரப்படவுள்ளது.

சிறு விவசாயிகள் மே மாதம் வரை அரசு வங்கிகளில் பெற்ற கடன்கள் தள்ளுபடி செய்யப்படும். இதற்காக வங்கிகளுக்கு செலுத்த வேண்டிய 680 மில்லியன் ரூபாய் திறைசேரியால் செலுத்தப்படும் என பல முன்மொழிவுகள் சமர்ப்பிக்கப்பட்டுள்ளன.

போக்குவரத்து மற்றும் நெடுஞ்சாலைகள் அமைச்சர் பந்துல குணவர்தன இரண்டு நாள் உத்தியோகபூர்வ விஜயமாக யாழ்ப்பாணத்துக்கு நேற்று சனிக்கிழமை விஜயம் செய்தார்.

கொழும்பு – யாழ். ரயிலில் நேற்று மதியம் யாழ்ப்பாணம் ரயில் நிலையத்தை வந்தடைந்த அமைச்சரை, கடற்றொழில் அமைச்சர் டக்ளஸ் தேவானந்தா மற்றும் பாராளுமன்ற உறுப்பினர் அங்கஜன் இராமநாதன் ஆகியோர் வரவேற்றனர்.

யாழ்ப்பாணம் ரயில் நிலைய அதிபரை சந்தித்த அமைச்சர், காங்கேசன்துறை - கொழும்பு ரயில் சேவையை மேம்படுத்துவது, மற்றும் சேவைகளை அதிகரிப்பது தொடர்பில் கலந்துரையாடினார்.

இதன்போது அமைச்சர் இரவு தபால் சேவையின் மீள் ஆரம்பம் பற்றியும் அறிவியல் நகர் மற்றும் சாவகச்சேரி ரயில் நிலையங்களில் உத்தரதேவி ரயில் தரித்து நிற்குமெனவும் உத்தியோகப்பூர்வமாக அறிவித்தார்.

தேசிய போக்குவரத்து ஆணைக்குழுவின் ஆரம்பச் செயற்திட்டமான பஸ் பயணிகளுக்கான முற்கொடுப்பனவு பயண அட்டையை போக்குவரத்து நெடுஞ்சாலைகள் மற்றும் வெகுசன ஊடக அமைச்சர் கலாநிதி. பந்துல குணவர்தன தெற்கு அதிவேக நெடுஞ்சாலையில் கொட்டவையிலுள்ள மாக்கும்புர போக்குவரத்து நிலையத்திலிருந்து காலி நோக்கி பயணிக்கும் பஸ் பயணிகளிடம் அறிமுகம் செய்து வைப்பதனை படத்தில் காணலாம்.

அறிமுகம் செய்யப்பட்டுள்ள இந்த ஆரம்பச் செயற்திட்டத்தினூடாக அடையாளம் காணப்படும் பிரச்சினைகளுக்கு உடனடி தீர்வு காணுமாறும் அமைச்சர் குணவர்தன சம்பந்தப்பட்ட அதிகாரிகளுக்கு இச்சந்தர்ப்பத்தில் அறிவுறுத்தல் விடுத்தார்.